CEBU CITY- Nakadawat ug pasidungog ang kagamhanang barangay sa Lahug ning dakbayan sa Sugbo gikan sa Galing Pook Foundation ug sa Department of Interior and Local Government – Cebu City Division tungod sa ilang mga best practices sa ilang Brgy. Behavioral Health Unit nga gihikay ngadto sa Palasyo ng Malacañang.
Sa eksklusibong pakighinabi sa Bombo Newsteam kang Hon.Hazel Ann “Ging-ging” Muaña-Empleo, ang Kapitan sa Brgy. Lahug, Cebu City, nga nagpasalamat kini sa maong pasidungog diin siya mismo ang personal nga nidawat nga gitunol ni President Ferdinand “Bongbong” Marcos Jr. ngadto sa Malacañang uban ang presensya ni Cebu City Councilor Mary Ann de los Santos kinsa author sa City Ordinance No. 2479 sa pagpalambo sa pasilidad sa Mental Health sa dakbayan.
Anaa usab si BBHU Program Director Manuel “Pocholo” de los Santos sa padawat sa award nga gitunol ni Presidente Marcos Jr. uban ni Secretary of Interior and Local Government Jonvic Remulla.
Dugang pa ni Kapitana “Ging-ging” nga bisag walay suporta gikan sa kagamhanang dakbayan sa Sugbo, apan ang ilang Barangay Behavioral Health Unit (BBHU) kay naningkamot nga maka padayon sa programa nga mutabang sa nga lumulupyo sa ilang barangay nga nakasinati ug kakulian sa kahimsog sa pangisip o mental health.
Nasayran nga gatusan na ka mga konstituwente sa Brgy. Lahug ang nakasinati ug mental health problems og natabangan sa ilang Barangay Behavioral Health Unit sukad sa paglusad sa maong programa.
Nadawat nila ang maong pasidungog niadtong Oktubre ning kasamtangang tuig nga dalit gikan sa Galing Pook Foundation ug ang nasudnong ahensya sa gobyerno.
