Wala na matingala si Presidente Ferdinand Marcos Jr. ang pag-alma sa China sa pagpalabang sa duha ka bag-ong kambal nga balaod ang Philippine Maritime Zones Act ug ang Archipelagic sea lanes law.
Reaksyon kini sa Presidente human nipasidaan ang China nga ang duha ka balaod nga napasar mahimong makapasamot pa sa tensiyon sa West Philippine Sea.
Apan, si Presidente Marcos mibarog nga gikinahanglan ang pagpadayon sa pagpanalipod sa soberanya ug katungod sa soberanya sa nasud.
Giingong importante usab ang duha ka mga balaod tungod kay kini ang nagdeterminar sa mga utlanan o teritoryo nga sakop sa hurisdiksyon sa Pilipinas.
Kung kahinumdoman, gitawag sa Chinese Foreign Ministry nga ilegal ug invalid ang giingong pagsulay sa pag-whitewash sa mga illegal claims ug aksyon sa Pilipinas sa West Philippine Sea ug gipatawag usab niini ang Philippine Ambassador to China.
