Isip pagpangandam sa bagyong Pepito, ang Ako Bicol Party List ug Speaker Martin Romualdez nag-apod-apod ug bag-ong mga rubber boat sa nagkalain-laing lungsod ug ahensya sa gobyerno sa rehiyon sa Bicol sa tumong nga mapalig-on ang mga kapabilidad sa pagtubag sa emerhensya.
Matod ni Ako Bicol Partylist and Appropriations panel chair Representative Zaldy Co, naka-standby usab ang mga heavy equipment aron matubag ang posibleng pagdahili sa yuta, pagbaha ug uban pang risgo tungod sa bagyong Pepito.
Gipasalamatan ni Co si Speaker Martin Romualdez sa pagtabang sa mga local government units ug responders aron masiguro nga maluwas ang mga kinabuhi ug maprotektahan ang mga komunidad.
Nanawagan usab si Co sa mga kaubang Bicolano nga magpabiling updated ug tumanon ang mga mando gikan sa LGU.
