Gisuportahan ni Department of the Interior and Local Government (DILG) Juanito Victor ‘Jonvic’ Remulla ang pagpatuman sa giusab nga Implementing Rules and Regulations (IRR) sa Republic Act (RA) 10592, nga nailhan nga “Good Conduct Time Allowance (GCTA) Law. ”
Kini nunot sa taho sa Bureau of Jail Management and Penology (BJMP) nga niabot sa 306 porsiyento ang overcrowding rate karon sa mga prisohan, diin 117,767 ang gidaghanon sa Persons Deprived of Liberty (PDLs) sa 482 ka mga prisohan nga gipadagan sa BJMP sa tibuok nasod.
Layo kini sa ideal nga populasyon sa prisohan nga 33,325, nga nagpakita sa dinaliang panginahanglan alang sa mga lakang sa pag-decongest sa mga prisohan.
Sa iyang mensahe nga gipadangat ni DILG Undersecretary Serafin Barretto Jr., gipasiugda ni Remulla nga ang updated nga IRR makatampo sa mas makiangayong sistema sa hustisya, nga maghatag og kahigayonan sa mga PDL nga mub-an ang ilang mga sentensiya kon ipakita ang ilang maayong pamatasan subay sa mga probisyon sa balaod.
Masaligon si Remulla nga ang gibag-o nga IRR magdala og mga kalamboan sa mga kahimtang sa mga prisohan ug masiguro nga ang hustisya ipahamtang sa patas ug apil.
Ug magtugot sa mas dakong transparency sa paghatag og good conduct time allowances, ug ang “single carpeta” system sa BJMP diin gilauman nga makatabang sa pagsubay sa mga allowances ug mapadali ang hustong pag-isyu sa mga kwalipikadong PDLs.
