Nakighinabi si South Korean Acting President Han Duck-Soo kang US President Joe Biden pinaagi sa tawag sa telepono human na-impeach sa mga magbabalaod sa Korea si Presidente Yoon Suk Yeol.
Gipasaligan ni Acting President Han ang mga kaalyado nga nasud lakip ang America ug gisuwayan pagpalig-on ang mga financial markets human napasar ang impeachment motion batok sa presidente sa SoKor.
Gitawag ni Biden ang iyang alyansa sa South Korea nga usa ka “linchpin for peace” sa rehiyon.
Sa pahayag, ipatuman ni Acting Pres. Han ang mga polisiya sa langyaw ug seguridad sa walay paglangan ug maningkamot nga mamentinar ug mapalig-on ang alyansa tali sa SoKor ug Amerika.
Samtang, aron mapalig-on ang ekonomiya ug liderato sa South Korea, ang nag-unang partido sa oposisyon mipahibalo nga dili nila i-impeach si Han tungod sa iyang pagkalambigit sa deklarasyon sa martial law ni Yoon kaniadtong Disyembre 3.
