Gipataas sa Provincial Government sa Davao del Norte, Davao de Oro ug Davao Oriental ang Blue Alert Status tungod sa epekto sa Bagyong Querubin.
Kini nunot sa wala’y hunong nga nasinati nga pag-uwan sugod gahapon sa tulo ka probinsiya ug ubang bahin sa Davao Region.
Gani, gi-activate usab ang Emergency Operations Center ug Response Cluster sa tulo ka probinsya aron mapalig-on ang monitoring ug masiguro ang dali nga pagtubag ug pagpalihok sa mga ekipo kung gikinahanglan.
Una nang gipahibalo sa Office of the Civil Defense Davao ang tanang local government units (LGU) sa rehiyon nga mag-andam og resources ug food packs alang sa posibleng epekto sa dili maayong panahon.
Lakip sa gipangandaman mao ang mga evacuation centers alang sa posibleng pagpabakwit sa mga residente.
Samtang, tungod sa dili maayong epekto sa panahon, pipila ka local government units (LGUs) sa Davao Region ang nipatuman og class suspension diin lakip niini ang Mati City ug Caraga sa Davao Oriental, Monkayo ug Nabunturan sa Davao de Oro, bisan sa Panabo City, Carmen, Island Garden City of Samal, Sto. Tomas, Braulio E. Dujali ug New Corella sa Davao del Norte.
