Napalgang wala nay kinabuhi ang usa ka lawas sa gituohang mananagat sa nadiskobrehang guba nga pump boat sa baybayon sa Barangay Punta Engaño, dakbayan sa Lapu-Lapu kagahapong adlawa sa Huwebes, Disyembre 19, 2024.
Nakit-an kini ni Elmer Besidas, kinsa usa ka security manager sa usa ka resort sa maong dapit nga maoy nidangop sa insidente ngadto sa Lapu-Lapu City Police Station.
Nasayran kini sa dihang nagpahigayon og roving ang mga sekyu sa vicinity sa resort.
Sa eksklusibong pakighinabi sa Bombo Newsteam kang Tomi John Gandionco, ang Shift Supervisor sa Lapulapu Disaster Risk Reduction and Management Office nga matod pa giila ang biktima nga si Nestor Banson, 65-anyos nga lalaki ug lumulupyo sa Barangay Maslong sa dakbayan sa Danao sa amihanang Sugbo.
Ilang teyorya nga posibleng nalumos ang biktima dihang nadala ang pump boat sa maong dapit human gikusokuso sa kusog nga mga balod sa kadagatan.
Sa dugang pakigsusi kay nasayran nga rehistrado ng maong pump boat sa dakbayan sa Danao.
Giawhag sa mga awtoridad ang pag-ila sa biktima aron kini nahatag sa kabayan o sa pamilya.
