CEBU CITY- Makapatandog sa kasing-kasing ang gihulagway sa UPS N’ DOWN pinaagi sa ilang pagsayaw hinungdan nga nagmalampuson kini nga nalangkat ang titulo isip kampiyon sa ‘Handog ng Bombo Radyo Cebu at Star FM sa Sinulog Festival 2025: Dance Showdown Competition’ nga gipahigayon sa Robinson’s Galleria, Cebu.
Tungod sa ilang gipakita nga dili hitupngan nga kahanas ug dili malalis nga kadaugan gumikan sa ilang gipaabot nga mensahe ngadto sa mga tumatan-aw diin makatandog nga paghulagway sa tukma sa panahon nga nahitabo hilabi na sa mga kabatan-onan nga gikaon sa ‘pressue’ sa kinabuhi ug ang ilang concept nga nagtuyok sa relasyon sa anak ug ginikanan.
Gipaambit sa grupo nga ang ilang gihulagway pinaagi sa sayaw kay ang pagsukol sa mga kasamok sa hunahuna ug paglantaw sa mga maanindot ug paghatag og bili sa mga tawo sa imong palibot nga anaa nga andam maminaw ug modawat kanimo.
Gipasigarbo usab sa UPS N’ DOWN kining unang dakong kalihukan nga ilang gisalmotan ug ingon man ang wala damhang kadaugan tungod kay lig-on usab ang ilang mga kakompetensya sama sa New Cycle nga nakakuha sa 1st place, Freestyler 2.0 nga nakakuha sa 2nd place, ug ang pito ka grupo nga wala miuli nga walay bitbit tungod kay matag-usa kanila aduany consolation prize nga P3,000 ug sila ang Ako Budoy, ECG Fam Crew, B20 Fam, Lightning Squad, Atmospheric Gesture, ug TSG Crew.
Sa pakighinabi sa Bombo Radyo Cebu kay Hardell Pogoy, ang President sa UPS N’ DOWN, nga dili gihapon sila makatuo nga sila ang nakadaog kay matud pa niini nga lack of preparation ug daghan ang gihimo nga sakripisyo ingon man nga adunay mga nagkasakit sa ilang grupo apan, bisan paman sa ilang mga hagit nga naatubang kay midasig gihapon sila ug misayaw as one.
Dugang pa ni Pogoy nga nanghinaot siya nga magpadayon pa ang ilang malangkat nga mga champion titles aron mapakita sa kalibutan ug labi na sa mga ginikanan nga adunay mga anak nga nakasinati og depresyon, nga nagpahinumdom kanila nga dili kini babag, gani usa kini ka tinubdan sa inspirasyon aron mas makigbisog pa sa kinabuhi.
