Nagplano sa umaabot nga administrasyon ni US President-elect Donald Trump nga maglunsad og halapad nga immigration raid sa Chicago sa adlaw human siya molingkod sa katungdanan, sumala sa upat ka mga opisyal nga pamilyar sa plano.
Ang raid gilauman nga magsugod sa Martes, Enero 21 ug molungtad sa tibuok semana.
Sumala sa taho, ang US Immigration and Customs Enforcement (ICE) magpadala og 100 ug 200 ka mga opisyal aron ipahigayon ang nasangpit nga operasyon.
Wala pa mokomento ang transition team ni Trump sa maong butang, apan basi sa tinubdan nga pamilyar sa plano sa umaabot nga administrasyon, hugtan ang pagpatuman sa tibuok Amerika, apan dili kini ipunting sa Chicago o ipadala ngadto sa ubang mga estado sa daghang mga personahe sa maong siyudad sa Illinois.
Giingon nga ang operasyon himuon sa tibuuk nasud, nga adunay mga pag-aresto nga gilauman sa ubang mga lungsod sama sa New York ug Miami.
Kahinumdoman nga usa sa mga sentrong tema sa kampanya ni Trump mao ang paglusad sa mass deportations sa mga undocumented immigrants sa America.
