Patay ang labing menos 66 ka mga tawo tungod sa miulbong sunog nga miigo sa usa ka ski resort hotel sa amihanan-kasadpang Turkey, gahapon Enero 21, 2025.
Gawas sa maong ihap kay gikatahong labing menos 51 usab ka mga indibidwal ang nakaangol ug daghang mga bata ang gituohang lakip sa mga biktima.
Ingon man nga napugos ang mga tawo sa pag-ambak gikan sa mga bintana aron makalingkawas gikan sa flames ug aso apan, adunay duha nga milayat ang wala makaikyas sa kamatayon tungod kay namatay kini human milayat sa edipisyo.
Samtang, upat ka tawo ang gidakop sa mga otoridad ug lakip niini ang business owner.
Ang ubang mga taho nag-ingon nga pipila ka mga tawo misuway sa pagkanaug gikan sa ilang mga lawak gamit ang mga hapin ug mga habol.
Ug ang ministro sa kahimsog miingon nga labing menos usa sa mga nasamdan ang anaa sa talandugon nga kahimtang ug 17 pa ang nakagawas sa ospital pagkahuman natambalan.
Mikabat sa 30 ka mga 30 ka fire truck ug 28 ka ambulansya ang gipadala sa lugar ug ang ubang mga hotel sa resort gipabakwit isip usa ka pag-amping ug ang mga bisita gibutang sa mga hotel nga anaa usab sa Bolu.
