Gikondenar ni kanhi Chief Justice Maria Lourdes Sereno ang curriculum content sa Department of Education tungod sa pagtudlo sa Comprehensive Sexuality Education sulod sa mga eskwelahan.
Sa gipahigayon nga forum, gipaambit sa kanhi chief justice ang iyang findings sa official slides nga giingong gigamit sa pagtudlo sa maong programa.
Mabasa kini gikan sa mga slide nga iyang gipakita diin adunay usa ka sugyot sa paghulagway sa sensitibo nga mga bahin sa lawas gamit ang lainlaing mga sense organs.
Kini nagpasabot nga sa bata pa kaayo nga edad, ang mga bata magsugod na dayon sa paghisgot bahin sa ilang sexual body parts sa ilang tagsa-tagsa ka lawak-klasehanan.
Tungod niini, nipadayag sa iyang kasagmuyo si Sereno, samtang gikuwestiyon na usab ang unod sa curriculum.
