Gibuhian na sa Hamas ang 3 pa ka mga hostage nga Israelis gikan sa Gaza sabado, Pebrero 8.
Kini bugti sa pagpagawas sa kinatibuk-ang 183 ka mga piniriso nga Palestinian nga natanggong sa mga bilanggoan sa Israel.
Lakip sa gibuhian mao ang 3 ka Israelinhong lalaki: si Eli Sharabi, 52 anyos, Ohad Ben Ami, 56 anyos, ug Or Levy, 34 anyos.
Gidagit si Sharabis gikan sa Kibbutz Beeri uban sa iyang igsoon, nga gikumpirmar nga patay na, samtang ang iyang asawa ug mga anak namatay usab sa pag-atake.
Samtang nadagit si Ami gikan sa Kibbutz Beeri uban sa iyang asawa, kinsa gibuhian usab sa Hamas.
Ingon man si Levy milayas sa Nova festival uban sa iyang asawa sa dihang giatake sa mga armadong Hamas, apan nadakpan kini samtang ang iyang asawa namatay sa bomb shelter diin sila nagtago.
Ang bag-ong hostage-prisoner swap tali sa Hamas ug Israel kabahin gihapon sa ceasefire deal nga nagsugod niadtong Enero 19.
