-- ADVERTISEMENT --
Gisaway ni US President Donald Trump ug tech giant Elon Musk ang foreign aid agency nga USAID nga “corrupt ug incompetent”.
Sa usa ka press conference, gipamatud-an pag-usab ni Trump ang iyang pasalig sa pagdumala ug miinsistir nga napili siya aron masiguro ang pagkamatinud-anon o integridad sa gobyerno sa Amerika.
Giingon usab ni Trump nga ang iyang pagdumala sa gobyerno dili limitado sa USAID apan gisakup usab ang daghang ubang mga sektor sama sa edukasyon ug militar.
Samtang, si Elon Musk, kinsa gitudlo ni Trump isip pangu sa Department of Government Efficiency, miila nga ang USAID nakahimo og daghang mapuslanong mga butang apan nangatarungan nga ang ahensya giingong nakaimpluwensya sa mga eleksyon sa kuwestiyonableng paagi.
