CENTRAL VISAYAS-Mikunhod og 2.5% ang inflation rate sa niaging buwan sa Enero, 2025 gikan sa 2.9 ka porsyente sa buwan sa Disyembre sa miaging tuig sa Central Visayas.
Mao kini ang gipaambit sa Philippine Statistics Authority Region Office 7 (PSA7) gahapon, Pebrero 12, 2025.
Gibutyag ni PSA Central Visayas Statistical specialist Peter Enfestan, nga usa kini ka maayong timailhan sa mga konsyumer ang pag-ubos sa inflation rate ning pagsugud sa tuig 2025.
Giklaro sa Statistical specialist nga wala kini koneksyon sa pag ubos sa mga presyo sa mga palaliton apan mikunhod lang ang maong inflation nga maoy basihanan sa pagtaas ug pag ubos sa mga presyo, hinungdan na usab sa bugas nga dako ang pag-us-os niini sa miaging buwan subay sa mga programa sa Department of Agriculture ug ubang ahensya sa gobyerno.
Ang labing nag-una nga mga commodities mao ang corn o mais, gisundan sa rentals og transportation ingon man sa transportasyon sa kadagatan.
Possible usab nga karong buwan sa Pebrero og umaabot pang mga buwan nga subay usab sa datos sa milabayng tuig lauman nga motaas ang inflation rate.
Hinungdan nga i-monitor sa PSA ang mga kalihokan sama sa umaabot eleksyon og ubang mga aktibidades sa sunod nga mga adlaw. | Bombo Rocky Lavarez
