Nangulo ang Filipino American Olympian nga si Emma Malabuyo sa US National Collegiate Athletic Association (NCAA) season sa iyang pagpakita sa iyang kahanas alang sa University of California, Los Angeles (UCLA) Bruins.
Ang mga sports event gihimo sa Big Ten Conference women’s gymnastics showdown batok sa Michigan State Spartans ug nakadaog kini isip kampeon sa balance beam nga adunay impresibong meet-winning average score nga 9.925.
Dili hitupngan ang performance ni Malabuyo sa beam, sa katapusang rotation floor, nakaiskor siya og 9.95, nga nagtimaan sa kadaugan sa UCLA sa engkuwentro.
Si Malabuyo giubanan sa kompetisyon ni Olympic gold medalist Jordan Chiles ug kauban sa team nga si Chae Campbell, kinsa parehong nakapuntos og perpektong 10.0.
Samtang, sa post sa B1G Gymnastics, makita sa video ang flawless routine ni Malabuyo on beam, nga midayeg sa dalaga ug gi-caption kini, “Practice makes perfect for (Emma Malabuyo) & (UCLA Gymnastics) on beam.”
Ning maong kadaugan, si Malabuyo misaka sa 4th place sa 2025 NCAA balance beam rankings, nga nagpalig-on sa iyang status isip usa sa mga top gymnast sa nasud.
