Usa ka semana human sa presentasyon sa opisyal nga Miss Universe Philippines 2025 pageant, ang frontrunner nga si Yllana Marie Aduana giakusahan nga peke human ang karaang video sa iyang pakigpulong nga nagpaila sa iyang kaugalingon isip scientist kay nitumaw pagbalik sa social media.
Si Aduana, ang representante sa Siniloan, Laguna, usa ka beterano sa pageant nga nagrepresentar sa nasud sa Miss Earth pageant niadtong 2023, diin nahimo siyang usa sa mga finalist isip Miss Earth-Air.
Sa makadaghang higayon, nagpaila si Aduana sa iyang kaugalingon isip usa ka beauty queen ug licensed medical laboratory scientist, lakip ang 2023 sa dihang miapil siya sa usa ka kalihokan sa United Nations climate change event sa New York.
Ang kabatid sa beauty queen gidawat dili lang sa mga langyaw nga delegado sa New York kon dili lakip na sa iyang mga kaubang Pilipino.
Apan, ning tuiga diin nagtinguha kini nga malangkat ang titulo sa Miss Universe pageant kay mitumaw pagbalik karaang video ug nakaani kini og critics gikan sa usa ka online content creator nga miingon nga ang beauty queen mahimong akusahan nga “fakery” pinaagi sa pag-elevate sa iyang kaugalingon isip usa ka scientist kung siya adunay lisensya isip usa ka medical technologist – usa ka pag-angkon nga nagpadala sa mga tigpaniid sa pageant ngadto sa social media overdrive.
Apan, gipanalipdan kini sa mga supporters ni Aduana diin dili lang kini ang unang higayon nga makadawat og criticisms ang beauty queen sa matag higayon nga mogamit kini og mga termino nga dili madawat sa ubang mga tawo nga tuyo nga daoton siya.
