CENTRAL VISAYAS-Malampusong nakadakop ang mga tinugyanan sa balaod sa Central Visayas human sa lig-ong nga pagpamatuod niini sa dedikasyon sa kaluwasan sa publiko.
Kini ang gipahibalo sa Police Regional Office – Central Visayas (PRO-7) diin sa buwan sa Pebrero 2025 kay nakaskop kini sa anaa sa 702 ka mga wanted persons sa rehiyon.
Mapasigarbohong gipadayag kini ni Police BGen Redrico Maranan, ang Regional Director sa PRO-7 diin tataw pa nga kini kay usa ka timaan sa ilang kadaugan sa mga paningkamot sa pagpalig-on sa balaod ug pagsiguro nga ang hustisya kay mapatigbabaw.
Naggumikan sa mga nagkadaiyang kaso ang nasikop sa mga kapulisan nga gikan sa mga gagmayng mga krimen hangtod sa seryosong kalapasan sa balaod.
Sukad niadtong Pebrero 1 hangtod 28 kay ang PRO-7 Tracker Teams kay nakahimo og 687 ka mga operasyon nga nagresulta sa pagkadakop sa 81 ka mga Most Wanted Persons, samtang 621 pa ang nadakpang sa ubang mga kaso.
Sa kinatibuk-an, 19 ang nalakip sa regional list, 30 sa provincial level, 9 sa city level, 21 sa municipal level, ug 2 sa station level.
Hangyo sa kapulisan sa publiko nga magpabiling magbinantayon ug aktibong mohatag og impormasyon kabahin sa mga wanted persons.
