Patay ang usa ka lalaki nga PWD human gipusil sa usa ka High Value Individual nga suspek samtang nagpalit og pang merienda sa Brgy. Gutlang, lungsod sa Argao.
Giila ang biktima nga si Aurellio “Auring” Bañagaso, 51-anyos, usa ka PWD ug residente sa naasoy nga lungsod.
Samtang ang suspek nailhan sa pangan nga si Noel Rosero, tiggamitan og illegal drugas.
Basi sa initial nga impormasyon, nasayran nga ang biktima nipalit og para merienda sa tindahan ug samtang naglingkod ang biktima sa bangko sa tindahan kay miabot ang suspek nga nagsakay og motorsiklo ug gipusil ang biktima sa likod niini.
Daling misibat ang suspek paingon sa Ronda human sa panghitabo, ingon man nga daling miresponde ang kapulisan sa Argao ug nagpahigayon og hot pursuit operation diin na gi-compronta sa kapulisan sa Argao PS ang suspek.
Misuway og sukol ang suspek hinungdan nga napusilan kini ug gidala sa Isidro Kintanar Memorial Hospital apan, gideklarar na kini nga dead on arrival.
Matud ni PMAJ Janus Giangan, hepe sa Argao PS, nga ang suspek nailhan nga usa ka HVI ug inilang tigpayuhot og illegal nga drugas ug sa pagkakaron, gikonsiderar na nga case closed ang maong kaso.
