CENU CITY-Nakakolekta sa kapin P69-milyones ang buhatan sa Office of the Building Official (OBO) sa kagamhanang dakbayan sa Sugbo sa unang bahin sa tuig 2025.
Mas taas kini kun itandi sa nakalabayng tuig sa 1st Quarter collection sa buhatan sa samang panahon.
Sumala sa datus nga gipakita sa buhatan nga sukad niadtong Enero 1 hangtod Marso 31 ning kasamtangang tuig kay miabot ang ilagng koleksyon sa P69.41-milyones nga nagpakita og umento itandi sa 2024 1st Quarter collection nga P68.71-milyones.
Matod pa ni Architect Florante Catalan, ang pangu sa Cebu City OBO nga kini nga kalampusan kay mahitungod sa pagpakabana sa mga Sugbuanon sa mga resikitos sa kagamhanan.
Dugang sab, nagsiguro kini sa luwas nga kahimtang sa establisyemento sulod sa syudad pinaagi sa mga inspeksyon sa buhatan.
Pasalig niini nga pabiling aktibo ang OBO sa pagpatuman sa mga lagda sa balaod nga may kalabot sa kaluwasan ug episyente sa mga building sa dakbayan.
Labing dakong bahin sa koleksyon sa OBO karong quarter kay naggikan sa Business Permit Application, ma bag-o man og renewal ng nagbalor ug P39.3-milyones dayon gisundan kini sa Annual Inspection sa balor nga P11-milyones ug ang Building Permit Processing sa balor nga P5.78-milyones.
