CEBU CITY- Gidunggab sa usa ka 22-anyos nga lalaki ang iyahang 49-anyos na amahan nga usa ka manindahay og isda, sa Sitio Abellare, Brgy. Kinsang-an ning Dakbayan sa Sugbo, alas 5:00 sa hapon, kagahapong adlawa Abril 4, 2025.
Giila ang suspek nga si Lawrence Dacay, samtang ang biktima niini nga amahan giila nga si Ernisto Dacay.
Basi sa imbestigasyon sa mga kapulisan, ilado ang maong suspek nga usa ka ‘chronic drug addict’.
Nasuta nga ubos sa impluwensya sa ilegal nga drugas si Lawrence, maong naka-ako kini og pagpanunggab sa iyang amahan, nga si Ernisto, gamit ang screw driver.
Dugang nga nakalap sa imbestigasyon, nakalikay kining amahan sa pagsulay og dunggab sa iyang anak maong wala kini naka-angkon og mga samad.
Busa, midangop dayun ning biktima sa Barangay ingun man sa kapulisan aron ipasikop ang maong suspek.
Sa pikas bahin, mipagawas usab og testimonya ang suspek ug mipadayag nga aduna siya’y kalagot sa iyang amahan maong nabuhat kini niya.
Bisan paman sa iyang pamahayag, mag-atubang gihapon siya og kasong Attempted Parricide.(Bombo Irene Ardiente)
