CEBU CITY-Nasabutan nga ang Philippine Coast Guard (PCG) ug Cebu City Bantay Dagat Commission ang lakip mangunay og dakop sa mga tawo, hilabi na sa mga menor de edad nga manglayat ug mamato sa mga sakyanang moagi sa viaduct sa South Road Properties (SRP).
Kini nunot sa mga nadawat nga taho gikan sa mga netizens ug sa mmi-viral nga video kalabot a batan-ong namato nga nakamugna og kabalaka sa posibleng disgrasya ug makaangol pa og inosente.
Sa nahitabong panagtigom diin gipangunahan ni Raquel Arce, ang labaw sa Cebu City Transportation Office (CCTO), nga isugyot niini ngadto sa opisina sa Mayor nga mopagawas og pormal nga kamandoan nga magtukod sa ilang pundok, kansang tahas mao ang pagbantay sa maong taytayan.
Lakip sa nasabutan kay moabag usab og bantay ug badlong ang mga tanod sa barangay sa Ermita, Pasil, ug Sawang Calero sa mga bata nga mokatkat gikan sa dagat paingon sa ibabaw.
Sa pagkakaron, nailhan sa mga sakop sa kapulisan ang usa sa mga giingong namato og sakyanan sa viaduct nga lumolupyo sa Brgy. Mambaling.
