Napili usab ang Pilipinas isip bise presidente sa 26th General Assembly sa United Nations Tourism ug Chair sa Commission for East Asia and the Pacific (CAP) gikan sa 2025 hangtod sa 2027.
Sa sidelines sa 56th Meeting sa UN Tourism CAP sa Jakarta, Indonesia, si Tourism Secretary Christina Frasco nagpasalamat sa mga miyembrong estado sa UN Tourism ug misaad nga ang Pilipinas mopasiugda og mas lig-on nga kooperasyon sa UN body.
Ingon man nga sa re-election sa PH, ang DOT niingon nga magpadayon si Presidente Ferdinand Marcos Jr. sa pagpalig-on sa pasalig sa global tourism cooperation ug diplomasya.
Matod sa kalihim, ang agenda sa turismo sa Pilipinas nahiuyon sa UN Tourism, ilabi na sa pagpalambo sa edukasyon sa turismo ug pagpalig-on sa kabag-ohan ug digitalization sa sektor.
Kaniadto napili ang Pilipinas sa duha ka posisyon human sa eleksyon sa 55th Meeting sa UN Tourism Regional Commission for East Asia and the Pacific sa Cambodia niadtong 2023.
Human niining makasaysayanong piniliay, ang Pilipinas malampusong nag-host sa 36th CAP-CSA ug inaugural UN Tourism Regional Forum for Gastronomy Tourism niadtong Hunyo 2024, nga nagtigom sa kapin 600 ka delegado gikan sa kapin 40 ka nasod nga gipahigayon sa Sugbo.
