Gisang-at ni Senador Jinggoy Estrada og resolusyon nga nag-ila sa kinabuhi ug mga nahimo ni National Artist for Film and Broadcast Arts Nora Aunor.
Ubos sa Senate Resolution 1337, ang Senado nagpadayag usab sa ilang pahasubo sa pagtaliwan sa gitawag nga Superstar sa Philippine Cinema.
Sa maong resolusyon, gitumbok ni Estrada nga dili masukod ang kontribusyon ni Nora Aunor sa pag-uswag sa Philippine arts and culture.
Matud pa niya nga ang mga pasidungog nga iyang nadawat, sa lokal ug internasyonal kay nagpalig-on sa iyang pangalan isip usa sa mga most awarded Filipino actors sa atong kasaysayan ug nagdala og dungog sa atong nasud.
Hinungdan nga usa ka kopya sa resolusyon ang ihatag ngadto sa pamilya sa aktres isip testamento sa pag-ila sa nasud sa iyang talagsaong kabilin.
