Dili pa sigurado kung ang Navy-Marine Expeditionary Ship Interdiction System (NMESIS) kay magpabilin sa Pilipinas, nunot sa malampusong simulated fire mission sa Batanes ubos sa Balikatan Exercises.
Ang gitawag nga ‘ship-killer missile’ sa US gigamit sa maong ehersisyo, nga gipangulohan sa 3rd Marine Littoral Regiment sa US Marine Corps.
Matud ni Balikatan assistant exercise director BGen. Michael Logico nga ang posibilidad nga magpabilin ang missile system sa Pilipinas, kay wala pa’y kasayuran kung unsa ang sunod nga buhaton niini, human sa 2025 Balikatan Exercises.
Ug ang klaro lang karon, kay nagmalampuson ang pagdeploy sa missile system alang sa simulated fire mission ubos sa kasamtangang joint drill.
Dugang pa niini nga ang pagbansaybansay, gamit ang NMESIS, malampuson usab ug ang mga sundalong Pilipino nakakat-on unsaon paggamit niini, uban sa tabang sa mga pwersa sa US.
Una ng miingo si U.S. Marine Corps at U.S. Joint Task Force commander Lt. Gen. Michael Cederholm nga ang paggamit sa missile system sa probinsya sa Batanes mao ang pagtino kon unsa kini ka epektibo, ilabi na sa paggamit sa iyang ‘precision fires capabilities’.
Matod sa 3-Star US general, ang paggamit sa maong missile system usa ka importanteng lakang ngadto sa modernisasyon sa kapabilidad sa militar sa Pilipinas, ilabina sa tinguha sa nasud nga protektahan ang teritoryo sa kadagatan ug panalipdan ang mutual interest sa Pilipinas ug US sa Indo-Pacific Region.
