Gikumpirmar sa Department of Foreign Affairs nga walay Pilipino nga namatay sa mga airstrike sa India sa Pakistan.
Matod sa DFA, padayon nilang gimonitor ang sitwasyon tali sa India ug Pakistan ug nanawagan og malinawon nga resolusyon sa panagbangi.
Ingon man nga gikompirmar usab sa Philippine Embassy sa Islamabad nga luwas ang mga Filipino sa mga apektadong lugar.
Kini nunot sa mga airstrike nga gitawag og “Operation Sindoor” sa India, nga giingong nagpuntirya sa mga pasilidad sa terorista, ug ang militar sa Pakistan mitaho nga 26 ka sibilyan ang namatay.
Gitambagan sa embahada ang mga Filipino nga likayan ang pagbiyahe sa mga bahin sa Bhimber City, Azad Kashmir, Sialkot Line of Control, ug mga lugar sulod sa lima ka milya sa utlanan sa India-Pakistan.
