Napili si Cardinal Robert Prevost isip bag-ong Santo Papa.
Ang 69-anyos nga si Prevost mao ang unang papa sa Amerika sa kasaysayan sa Simbahang Katoliko.
Tawagon kini nga Papa Leo XIV, ug siya ang ika-267 nga Santo Papa.
Ang bag-ong modumala sa Simabahang Katoliko kay natawo
niadtong Setyembre 14, 1955 sa Chicago, Illinois.
Niadtong 2023, gitudlo siya ni Pope Francis nga prefect of the Dicastery for Bishops ug presidente sa Pontifical Commission for Latin America.
“Peace be with all you,” mao kini ang unang mga pulong nga gilitok sa bag-ong Papa ngadto sa publiko sa dihang mipatim-aw na kini sa balkonahe sa St. Peter’s Basilica.
Gipasalamatan ni Papa Leo ang mitaliwan na nga anhing Santo Papa nga si Pope Francis sa iyang pakigpulong ug gisubli ang panawagan sa iyang gisundan alang sa usa ka Simbahan nga nakiglambigit sa modernong kalibutan ug kanunay nga ipasiugda ang kalinaw, gugma nga putli ug pagkaduol sa mga tawo, labi na sa mga nag-antos.
