Gisentensiyahan og 100 ka tuig nga pagkapriso si kanhi Philippine Amusement and Gaming Corp. (PAGCOR) chairman Efraim Genuino ug laing upat ka opisyal sa maong ahensya.
Ang kaso may kalambigitan sa giingong sayop nga paggamit sa P50.05-milyones nga pundo sa ahensya.
Sa 257-ka pahina nga desisyon, nakita sa Sandiganbayan Third Division nga si Genuino ug uban pa nga sila Philippine Charity Sweepstakes Office president ug chief operating officer Rafael Francisco, Senior vice president for administration Rene Figueroa, kanhi SVP for corporate communications services Edward King ug kanhi assistant vice president for internal audit Valente Custodio nga sad-an sa lima ka ihap sa paglapas sa Anti-Graft and Corruption Act.
Sila nakonbikto sa lima ka ihap sa malversation of public funds ubos sa Article 217 sa Revised Penal Code.
Kahinumduman nga gipamatud-an sa Office of the Ombudsman nga nagkunsabo ang maong mga opisyal sa ilegal nga paggasto og P50.05 milyones nga pundo sa PCSO gikan niadtong 2005 hangtud 2008.
