Nagpaabot og pasalamat si Commission on Elections (Comelec) Chairman George Erwin Garcia sa Bombo Radyo Philippines sa komprehensibo nga pagtaho niini, gikan sa pagpangandam hangtod sa pagpahigayon sa eleksiyon.
Matud ni Garcia, nga dako ang nahimo sa
Bombo Radyo hilabi na sa information dissemination.
Dugang niini nga ang mga poll bodies dili makatuman sa tanan nilang katungdanan nga mag-inusara, busa dakong butang nga lapad ang maabot sa mga estasyonan nga maabot sa atong mga katagilungsod bisan sa hilit nga mga dapit.
Alang sa kadagkoan sa poll body, mas nahimong alerto ang publiko sa mga panghitabo sa komisyon tungod sa regular nga updates nga gihatag sa network.
Giangkon ni Garcia nga gusto pa niyang makakita og daghang kausaban sa proseso sa eleksiyon, apan nalipay siya nga nagsugod na ang pipila sa iyang mga pangandoy.
Apil na niini ang sayo nga pagbotar sa mga tiguwang, masakiton, ug mabdos nga mga babaye.
Apan kon mahimo pa, iyang hangyoon ang mga magbabalaod nga ipaagi sa lehislatura ang sayo nga pagbotar niadtong anaa sa vulnerable sector aron kini mapatuman hangtod sa sunod nga piniliay.
