Miapelar ang Cebu City Coucil sa mga umaabut nga mga opisyales sa dakbayan ug probinsiya sa Sugbo nga pahimuslan ang luna sa Barangay Kalunasan nga kasamtangang gipa-abangan karon sa outgoing administration.
Gipasiugdahan kini ni Cebu City Councilor Jocelyn Pesquera, atol sa iyang privilege speech sa nakalabayng regular session sa konseho, nga nagtumong sa mandato nga e-presirbar ug pahimuslan gayud ang mga open spaces subay sa mga ordinansa ug sa batakang balaod.
Hinungdan nga mipasar ang konseho ug resolusyon nga naghangyu kang Cebu Governor-elect Pamela Baricuatro, nga iuli sa publiko ang maong luna aron kini magamit.
Dugang usab niini, mipasar usab ug resolusyon ang konseho maylabut na sa pagmandu sa Department of Engineering and Public Works nga magpahigayun ug resurvey sa maong luna, samtang gihangyo usab sa konseho ang Parks and Playgrounds Department, nga magmugna ug plano ug programa para sa kalambuan sa parke sa Old Philippine Railway Residents Association (OPRRA) compound.
Samtang, nanawagan usab ang konseho nga i-prioritize ang pgpatukod sa mga parke ug playgrounds sa tanang barangay hilabi na usab sa mga populated areas.
Matud ni Pesquera nga magamit ang mga parke ug mga hawanan alang sa pagpahigayun ug mga aktibidadis, lakip na usab sa pagpabutang ug mga tamnanan, water fountains, duwaanan ug uban pa.| via Bombo Nathaniel Sandoval
