Gikatakdang magpasundayag ang bantogang Cebu City Cultural Troupe nga mas naila nga Tribu Lumad Basakanon, sa ilahang ngil-ngig nga talento sa kalibotanong entablado, diin mag representar kini sa ngalan sa nasud alang sa 2025 Osaka World Expo nga ipahigayon sa Japan.
Diin ang nahisgutang grupo, giselebrar ug giila tungod sa ilang lagsik nga mga pagpasundayag nga naka-ugat sa Cebuano nga tradisyon.
Ingon man nga ang maong partisipasyon sa Tribu Lumad Basakanon, usa sa mga angay nga ipasigarbo ug dungog sa Dakbayan sa Sugbo ug sa Pilipinas, kay milawig kini sa mga Filipino Artistry ngadto sa mga langyaw nga luna.
Subay niini, gikatahong molarga ang grupo karong adlawa, Hunyo 5, 2025, paingon sa Japan.
Samtang, mo-perform usab sila sa Philippine Pavilion karong umaabot nga Hunyo 7 ug 8, diin ipaambit niini ang cultural heritage sa nasud. | Bombo Irene Ardiente
