Nipagawas ang Cebu City Environment and Natural Resources Office (CCENRO) og usa ka “cease and desist order” alang sa pagpahunong sa pag-backfill nkay nakadaot na kini sa bakhawan sa baybayon sa Brgy. Cogon Pardo.
Ubos sa mando ni Acting Mayor Donaldo “Dondon” Hontiveros nga isuspenso ang kinatibuk-ang permit sa maong kalihokan sa Department of Public and Highways (DPWH)-7, ug usab sa mga kontraktor niini nga WTG Construction, sa dili pa ma-awahi ang pagpanalipod sa maong bakhawan.
Ang tumong sa mando ni Hontiveros mao ang pagpanalipod sa gatosan ka tuig nga mga bakhaw, ug sa mga mananap niini nga nagpuyo, batok sa possibling kadaot nga mahatag sa backfill.
Ang “Protect Lives and Properties Against Major Floods— Flood Management Program — Construction/Rehabilitation of Flood Mitigation Facilities within Major River Basins and Principal Rivers — Construction of Flood Mitigation Structure along A. Gabuya St. and N. Bacalso Ave,” giangulohan sa DPWH.
Diin, nagdugtong kini sa dalan sa F. Gabuya Extn. ngadto sa South Road Properties (SRP) isip laing dalan nga kaagian sa mga motorista.
Sa pagluwat sa cease and desist order, katubagan kini sa dinaliang mando ni Acting Mayor Hontiveros.
Nasayran nga ang maong pag-backfill nabantayan sa team sa CCENRO nga maoy nisusi sa lugar ug nibahibalo sa Coastal Management Board (CMB) niadtong Marso 11, 2025.
Sa usa ka resolusyon, nihangyo ang CMB nga mopapasar og usa ka resolusyon ang Konseho sa Dakbyan pagpanalipod sa bakhawan sa mga barangay sa Cogon Pardo ug Inayawan.
Busa niadtong Hunyo 5 sa hapon, tuyong giadto sa CCENRO ang mga buhatan sa DPWH-Cebu City ug sa WTG aron ipatuman ang cease and desist order, nga nagmando sab nga magtapok sila alang sa usa ka technical conference. | via Bombo Irene Ardiente
