Gibabagan sa usa ka federal judge sa Boston ang polisiya sa administrasyon ni Trump nga nagpugong sa mga transgender, nonbinary americans, ug intersex nga mga indibidwal sa pagkuha og mga pasaporte basi sa ilang gender identity.
Gipalapdan ni Judge Julia Kobick sa miaging mando ug naghimo sa kaso nga usa ka class action, nga nangatarungan nga ang gender-based nga diskriminasyon dili uyon sa konstitusyon.
Gibuhat kini ni Kobick human sa pagtapos sa palisiya nga gisagop sa US Department of State subay sa usa ka ehekutibo nga mando nga gipirmahan ni Trump nga lagmit nga gipihig basi sa sex ug tinubdan sa dili makatarunganon nga prejudice sa mga transgender nga Amerikano nga nakalapas sa Ikalima nga Pagbag-o sa Konstitusyon sa US.
Samtang ang hukom ni Kobick sa Abril limitado sa sakup niini, ang huwes, usa ka tinudlo sa Demokratikong Presidente nga si Joe Biden, gihatagan ang kahimtang sa ‘case class action status’ ug gipahunong ang pagpatuman sa palisiya batok sa mga transgender, nonbinary ug intersex nga mga naghupot sa pasaporte.
Ingon man nga gitawag kini sa mga tigpaluyo nga usa ka kadaugan alang sa mga katungod sa sibil, apan gisaway kini sa White House ug miingon nga pagpanghilabot kini sa hudikatura.
