Giangkon ni Oklahoma City Thunder star Shai Gilgeous-Alexander nga dili maayo ang kinatibuk-ang performance sa team sa Game 6 hinungdan nga nasugamak sila og 19 puntos nga kapildihan sa mga kamot sa Indiana Pacers.
Sa postgame interview ni Shai human sa Game 6, siya niingon nga wala siya matagbaw sa performance sa iyang kaugalingon ug sa iyang mga kaubang Thunder players, apan nipasalig nga magsilbi kini nga leksyon alang kanila sa Game 7.
Wala usab matago sa Thunder guard ang iyang pagdayeg sa performance sa Pacers kay matud pa niya kalit lang nga mibalikos ang tibuok team aron makapuntos og kapin sa 20 puntos.
Bisan og ang Pacers wala mopahamtang og full-court pressure sama sa naandan nilang gihimo sa nangaging mga duwa, kay malampuson ang kaatbang sa pagdominar sa depensa ug opensa bisan pa sa tubag sa Thunder.
Giinsiter usab sa 3-time All-Star nga kinahanglang mabantayan nila kini sa Game 7 aron mabulsa na gayud ang championship trophy.
