Nakapatay og dul-an 100 ka mga Palestinian ang Israel forces sa Gaza Strip kini bisan paman sa bag-ong giduso nga ceasefire.
Lakip niini ang mga aid seeker ug pamilya nga anaa temporaryong nagpuyo sa mga eskwelahan, ingon man ang mga gipang-target nga mga tambalanan nga daghang nagpaalim.
Ang mga bag-ong airstrike ug mga operasyon sa amihanang Gaza nakapahinabog grabeng kadaot sa mga komunidad, subay sa mass evacuation orders.
Gitaho usab nga ang mga tangke sa Israel kay misulod sa silangang suburb sa Zeitoun ug naglunsad og sunod-sunod nga pagpamomba.
Ug gikumpirmar sa militar sa Israel nga gitarget niini ang mga militanteng grupo, apan ang Israel wala nagpagula og opisyal nga pahayag bahin sa mga kaswalti.
Sa pagkakaron, nangandam na ang mga opisyal sa Israel alang sa pakigpulong sa White House alang sa posible ngaceasefire.
