Subling gisang-at ni AKO BICOL Partylist Representative Alfredo Garbin Jr. ang gisugyot nga amendment sa 1987 Constitution.
Basi sa Resolution of Both Houses Number 1, ang Charter Change iduso, partikular na sa Articles XII, XIV ug XVI, nga nagtumong sa pag-usab sa foreign equity participation sa daghang industriya.
Kini naglakip sa natural nga mga kahinguhaan, advertising, media ug mga tunghaan.
Gawas sa pagpahayahay sa mga hugot nga probisyon sa ekonomiya, gusto usab ni Garbin nga ilakip sa Cha-Cha Article I sa Konstitusyon nga nagtumong sa “National Territory”.
Ingon man sa nasangpit nga sugyot kay iduso ang exclusive economic zone sa Pilipinas subay sa United Nations Convention on the Law of the Sea o UNCLOS.
Gitataw ni Garbin nga niadtong 18th ug 19th Congresses, nakaabot na sa Kamara ang economic Cha-Cha apan pag-abot sa Senado, gipasaka na lang kini.
Masaligon ang kongresista nga karong panahona mapasar na ang Cha-Cha tungod kay matod niya walay mosupak sa ratipikasyon sa arbitral ruling sa West Philippine Sea.
Giklaro usab niini nga ang RBH 1 wala maglakip sa political amendments sama sa term extension.
