Nag-atubang karon ang nasud nga Singapore og seryosong cyberattack batok sa mga kritical nga mga imprastruktura niini nga gikan sa usa ka highly sophisticated entity nga may kalambigitan sa mga eksperto gikan sa China sumala pa sa ilang coordinating minister for national security.
An maong pagpangataki kay daw kabahin sa sophisticated level sa cyber hacks nga gitawag og advanced persistent threats (APTs) nga naghatag og seryosong hulga sa nasudnong seguridad sa Singapore.
Wala hinuon gikabutyag sa nga Singaporean officials ang sponsors sa maong grupo nga ginganlang og “UNC3886” nga nangataki diin nag cybersecurity firm nga Mandiant nga gipanag-iya sa American conglomerate mga Google ang nagsuta niini.
Matod pa nga ang mga APTs kay usa ka highly sophisticated ug well-resourced actors nga nagtinguhang mangawat og mga sensitibong impormasyon ug mubalda sa mga batakang serbisyo sama sa healthcare, telecommunications, tubig, transportasyon, ug kuryente.
Gani kung magmalampuson kini kay posibleng gamiton sa espionage nga hilabihang makaapekto sa mga Singaporeans.
Dugang pa nga sukad niadtong tuig 2021 hangtod 2024, ang mga gidudahang APTs nga miatake sa ilang kay midaghan sa ika-upat ka pilo.
Gani usa ka cyber breach sa usa ka public healthcare cluster kaniadtong 2018 ang naka-access sa mga medication records sa dul-an 160,000 nga mga pasyente, lakip ang kanhi prime minister nga si Lee Hsien Loong.
