PROVINCE OF CEBU- Gibasura sa Probinsiya sa Sugbo ang Pasigarbo sa Sugbo karong tuiga, ug gi-redirect ang budget niini ngadto sa imprastraktura sa turismo, sertipikasyon sa frontliner, ug mga internasyonal nga promosyon sa tinguha nga mahimong mas malungtaron ug serbisyo ang sektor.
Gikompirmar ni Provincial Administrator Joseph Felix Mari “Ace” Durano niadtong adlawng Martes, Hulyo 22, nga dili madayon ang tinuig nga cultural showcase.
Matud niini nga ang desisyon nagsunod sa direktiba ni Gobernador Pamela Baricuatro sa pag-realign sa mga kahinguhaan sa probinsiya sa paagi nga nagpakita sa mga long-term nga tumong sa kalamboan samtang nagpabilin sulod sa mga utlanan sa balaod.
Gipasabot usab ni Durano, nga tungod kay ang maong pundo gigahin na ubos sa 2025 Annual Appropriations Ordinance para sa Pasigarbo, dili kini magamit alang sa non-tourism programs sama sa healthcare.
Apan, mahimo silang i-reprogram alang sa ubang mga inisyatibo nga nahiuyon sa turismo. Imbes nga mopataas sa laing mahal nga festival, gamiton sa Kapitolyo ang pundo sa pagpalambo sa mga pasilidad sa turista sa mga lugar nga hout ug trapiko, pagpahigayon og skills training ug sertipikasyon alang sa mga frontliners sa turismo, ug paglunsad og mas epektibo nga mga paningkamot sa promosyon sa turismo sa lokal ug sa gawas sa nasud.
Mibutyag usab si Bise Gobernador Glenn Soco, nga bukas ang Provincial Board sa sugyot sa gobernador nga i-review ug posibleng bawion ang mga ordinansa nga may kalabotan sa turismo.
Gihimug-atan usab niini nga kung ang re-aligned niini moresulta sa labing pag-uswag sa turismo ug mas maayo nga serbisyo publiko, posibleng ang suporta sa provincial board lagmit nga mosunod. | Bombo Nathaniel Sandoval
