Suportado sa pamunuan ni Cebu Provincial Governor Pamela “Pam” Baricuatro ang inisyatiba sa National Nutrition Council (NNC) sa pagsulbad sa malnutrisyon sa lalawigan hasta na ang food security ug sustainability.
Pasaad kini sa gobernadora diin lakip kini sa adbokasiya sa iyang kampanya sa pagsulbad sa kagutom ug malnutrisyon pinaagi sa paghatag sa Kagamhanang Probinsya og hinabang-pinansyal sa mga barangay nutrition scholars ug mga force multipliers sa NNC sa barangay level.
Kini ang pagabuhaton aksyon sa Kapitolyo human nasuta nga usa ka ranking officer sa NNC sa report niini sa Office of the Governor nga “makalulu-oy” ang kahimtang sa nutrisyon sa Sugbo.
Ang NNC kay usa ka attached agency sa Department of Health (DOH) ug maong pinakataas nga nutrition policy-making and coordinating body sa Pilipinas.
Sumala pa ni Dr. Parolita Mission, ang NCC Regional Nutrition Program Coordinator nga adunay kaylap nga malnutrisyon sa mga Sugbuanon nga nagpangidaron ug 5 ngadto sa 10-anyos.
Gani sa maong ihap kay ang mga batang Sugbuanon nga ubos ang timbang (underweight) nga mi-register sa 28.6 percent nga mas taas kun itandi sa national average nga 26 percent.
Ingon man nga problema sab ang stunting sa Sugbo nga mi-register sa 29.6 percent diin mas taas gihapon sa national average nga 25.2 percent.
Dugang pa ni Dr Mission nga ang nakalabayng administrasyon kay wala mihatag og bili sa maong problema sa probinsya sa ebidensiyang wala’y provincial nutrition office ang Kapitolyo sa Sugbo.
Gani nga ang P100-milyones nga budget sa provincial nutrition program sa Kapitolyo sa 2024 kay wala magamit samtang sa 2025 budget proposal kay wala kini naaprobahan.