Nagplano ang Pilipinas nga mopalit og dugang military equipment gikan sa India.
Kini ang gkompirmar ni Armed Forces of the Philippines (AFP) chief Gen. Romeo Brawner Jr.
Matod sa hepe sa AFP, dekalidad ang military equipment gikan sa India ug dili sama kamahal sa mga gikan sa ubang kanasuran.
Ingon man nga wala gitino ni Brawner nga ang mga military equipment nga paliton sa India kay nagpasabot sa security reasons.
Gidugang usab niini nga kasamtangang giproseso sa India ang pagpadala sa nasud og BrahMos cruise missile system nga gi-order sa Pilipinas.
Ug giingong gikatakda moabot ang duha ka sets sa umaabot nga mga tuig.
Ang maong mga armas nalakip sa P18.9 bilyon nga kontrata alang sa tulo ka BrahMos cruise system batteries nga gipirmahan niadtong Enero 2022 ubos sa miaging administrasyon.
Diin ang unang BrahMos batteries napadala sa Pilipinas niadtong Abril sa miaging tuig.
