Nipasalig si House Committee on Public Accounts Chairman ug Bicol Saro Partylist Rep. Terry Ridon nga ang House of Representatives nga dili mohatag og sanction sa mga legislators-contractors nga nalambigit sa anomalya sa flood control projects.
Matod ni Ridon nga ang House Tri Committee gikatakdang moduso og moto propio investigation kalabot sa mga kontrobersyal nga flood control projects aron masuta kon kinsa ang mga legislators-contractors nga nalambigit sa sub-standard ug ghost projects aron sila adunay tulubagon.
Gipaniguro usab niini nga wala silay panalipdan bisan pa nga ila kining kaubanan.
Sa sayo pa, si Presidente Ferdinand Marcos Jr. nipahibalo nga dili niya pahamtangan og silot ang bisan kinsang opisyal nga nalambigit sa mga anomalosong proyekto bisan pa man og mga kaalyado niya kini.
Gihatagan og gibug-aton ni Ridon nga ang usa ka miyembro sa Kongreso kinahanglan nga dili moapil sa mga kontrata sa gobyerno, ma-infrastructure projects man o dili, tungod kay kini klaro sa balaod, partikular ang Anti-Graft and Corrupt Practices Act.
Giklaro ni Ridon nga kon mapamatud-an nga nisulod og kontrata ang usa ka magbabalaod, makasugat siya og dagkong problema.
Gihagit ni Ridon si Baguio City Mayor Benjamin Magalong ug Senador Ping Lacson nga hinganlan ang mga kongresista nga kontratista nga giingong nalambigit sa dili maayo ug ghost flood control projects.
Giklaro ni Ridon nga wala silay listahan sa mga magbabalaod-kontratista busa gipaabot niya nga mabutyag kini atol sa pagdungog.
Gitataw sa Kongresista nga ang gikatakdang Tricom hearing usa ka maayong venue aron maklaro ang isyu ilabi na nga daghang mga magbabalaod ang gipasanginlan nga nakabenepisyo sa binilyon nga kantidad sa mga proyekto.
Iyang gipasalig nga hatagan og due process ang mga Legislator-contractor nga gitumbok nga nalambigit sa sub-standard ug ghost flood control projects.
Ang Tricom gilangkoban sa Committee on Public Accounts, Public Works ug Good Government Committee.
Gipasalig usab ni Ridon nga imbitahon nila si Mayor Magalong sa hearing.
