Gironda sa mga opisyales sa Department of Trade and Industry (DTI) ang Mandaue City Public Market diin nakadayeg kini sa kahimtang sa merkado human sa ilang inspeksyon nga gibuhat niadtong adlawng Huwebes, Agosto 14, 2025.
Gi-inspeksyon sa DTI officials ang mga presyo sa nagkadaiyang baligya sa merkado sama nalang sa instant noodles, de lata, bugas, ug uban pa ug ingon man ang pagkalibrar sa mga timbangan.
Mao kini ang gipaambit ni Atty. Regino Mallari Jr., ang Officer-in-Charge sa DTI–Fair Trade Enforcement Bureau.
Kini atol sa assessment nila kay nasayrang kumpleto sa suplay ang merkado ug compliant kini sa mga basic necessities subay sa DTI price guide.
Gani nagpadayag sab si Mandaue City Administrator Atty. Sally Malig-on nga kamandoan karon sa kasamtangang administrasyon ang kanunay nga paglimpyo sa merkado kada adlawng Martes ug ingon ang kanunay nga pagsusi sa mga timbangan aron masiguro patas ug sakto ang presyo sa pagbaligya.
