Niabot na sa kapin 340 ka mga indibidwal ang gikatahong patay ug daghan ang gikatahong nasamdan tungod sa kusog nga pag-ulan sa Pakistan.
Nakarekober usab ang ubay-ubay nga mga lawas gikan sa mga nahugno nga mga panimalay sa usa ka amihanan-kasadpang distrito sa nasud.
Apan, bisan sa gidaghanon sa mga nangamatay, nagpabiling adunay depensa ang mga awtoridad sa pag-atubang sa problema sa pagbaha, ug niingun nga sa ilang kasamtangan nga sitwasyon, wala sila nagkinahanglan sa bisan unsang langyaw nga tabang.
Sa maong lapad nga pagbaha, dili lang ang northwestern district of Pakistan ang apiktado niini, apan lakip na usab ang silingang dapit nga Kashmir diin adunay dili mo menos dosena ang namatay tungod sa kusog nga ulan ug pagbaha.
Subay niini, niingun ang tigpamaba sa emergency service sa Pakistan nga si Mohammad Suhail, 54 ka mga lawas ang nakit-an sa Buner, usa ka bukirong lugar sa lalawigan sa Khyber Pakhtunkhwa, diin ang kusog nga pag-ulan ug pagbunok sa panganod nagpahinabog daghang pagbaha kaniadto pang Biyernes.
Dugang ni Suhail, ang mga tagabaryo nagpabilin nga missing, ug ang mga paningkamot sa pagpangita naka-focus sa mga lugar diin ang mga balay gipatag tungod sa kusog nga bul-og sa tubig nga gibanlas gikan sa kabukiran, nga nagdala sa mga bato hinungdan nga naguba ang mga balay.
