Nihangyo ang US government og extradition batok kang Pastor Apollo Quiboloy.
Kini ang gikumpirmar ni Philippine Ambassador to the United States Jose Manuel “Babe” Romualdez nga ang US government nipadala og dokumento ngadto sa Department of Justice kalabot sa maong butang.
Dugang sa opisyal nga ang gobyerno sa US naghangyo niini sukad pa sa Hunyo.
Si Quiboloy, ang founder sa Kingdom of Jesus Christ, gipangita tungod sa iyang pagkalambigit sa labor trafficking scheme nga nagdala sa mga miyembro sa simbahan ngadto sa US ug namaligya og visa.
Giingong gipugos ang mga miyembro sa pagdonar sa usa ka bogus nga charity apan ang kuwarta giingong gigasto sa maluho nga estilo sa kinabuhi ni Quiboloy.
Gipirmahan ang extradition treaty niadtong 1994 sa US ug sa Pilipinas, diin ang tanang extradition kinahanglang isumiter pinaagi sa diplomatic channels diin kini gisuportahan sa mga dokumento sa pagkatawo ug lokasyon sa tawo nga gipangita.
Diin gimando sa tratado nga ang Pilipinas nga ipahibalo dayon sa US pinaagi sa diplomatic channels sa desisyon bahin niini.
Kung maaprobahan ang hangyo, ang mga partido nga nagkontrata magkasabot sa oras ug lugar alang sa pagsurender sa gipangita nga tawo.
