Gidayeg ang usa ka babaye sa kadaghanan tungod sa iyang istilo kung giunsa niya paglikay nga mapriso bisan pa nga napamatud-an nga sad-an sa usa ka krimen.
Giila ang babaye nga si Chen Hong, nga taga-China, ug gisentensiyahan og upat ka tuig nga pagkabilanggo tungod sa pagpanglimbong, diin gikonbikto siya niadtong Disyembre 2020 sa lalawigan sa Shanxi.
Apan hangtod karon, wala pa siya madakpi.
Kini tungod kay sulod sa kapin upat ka tuig, tulo ka higayon kining nagsabak og bata.
Sa China, ang mga indibidwal nga adunay mga sentensiya sa pagkabilanggo mahimong magsilbi sa ilang mga sentensiya sa gawas sa prisohan kung sila adunay grabe nga medikal nga kondisyon, ingon an pagmabdos, kung sila adunay bata nga atimanon, ug kung dili nila maatiman ang ilang kaugalingon nga mag-inusara.
Nadiskubrehan nga ang iyang ikatulo nga anak gihatag sa iyang bayaw ug giangkon usab niya nga nagbuwag sila sa iyang bana, ug siya ang nag-atiman sa iyang unang duha ka mga anak.
Ingon man nga gituohan sa local public prosecutor nga si Chen misulay sa pagmabdos aron malikayan nga mapiit sa prisohan.
