Gitambongan sa kapin 200 ka mga partisipanteng youth leaders ang pinakaunang Cebu Youth Fair – ABTIK Conversations nga nahitabo sa Cebu Capitol Social Hall niadtong Dominggo, Agosto 24, 2025.
Kini nagtapod sa mga local Sangguniang Kabataan Federation presidents, Local Youth Development Officers, ug ubang mga young leaders sa nagkadaiyang bahin sa probinsya.
Gipangulohan ang maong kalihokan ni Cebu Provincial Governor Pamela “Pam” Baricuatro diin kabahin kini sa paningkamot sa iyang administrasyon nga ipanumbalik ang partisipasyon sa mga kabatan-onan sa pamalakad sa polisiya sa lalawigan.
Gihimug-atan ni Gov. Baricuatro nga sinugdanan pa lang kini sa dugang pang mga youth-centered activities and programs sulod sa iyang administrasyon.
Determinado kining palapdan pa ang mgga oppurtunidad para sa mga kabatan-onang Sugbuaon nga makiglambigit sa komunidad nga matahasang maoy naghupot sa kaugmaon.
Pipila sa ilang mga nahisgutan mao ang responsableng paggamit sa social media ug AI, Youth Entrepreneurship, Health and Wellness, Environment, ug uban pa.
