Nagpahayag og kabalaka sa kahimtang sa Gaza City, si Papa Leo XIV, diin bag-o lang gipahibalo sa Israel ang pag-okupar niini sa siyudad.
Gihimo sa Santo Papa ang pahayag pagkahuman sa pagbisita sa Villa Barberini sa Castel Gandolfo kaniadtong Martes sa gabii, diin iyang gitimbaya ang daghang mga tawo ug kadiyot nga nakigsulti sa mga tigbalita.
Matod ni Pope Leo, nakig-alayon na siya sa lokal nga komunidad ug si Fr. Gabriel Romanelli, pari sa Holy Family Catholic parish sa Gaza, aron mangita og solusyon sa pagbakwit sa mga tawo gikan sa siyudad.
Ang Santo Papa usab niingon nga pipila ka mga Palestinian gusto gihapon nga magpabilin sa ilang mga yuta bisan pa sa hulga sa ilang seguridad.
Gitimbaya usab ni Pope Leo ang gibana-bana nga 450 ka mga Palestinian nga kasamtangang nagpuyo sa usa ka compound sa simbahan taliwala sa nagkagrabeng opensiba sa Israel.
Mahitungod sa pahayag sa Kremlin mahitungod sa posibleng gubat tali sa NATO ug Russia, ang Santo Papa miingon nga ang NATO wala magsugod sa gubat. Nabalaka lang kuno ang mga Polo kay gilapas sa Russia ang ilang airspace. Miingon sila, “Kini usa ka tensiyonado kaayo nga sitwasyon.”
Sa laing bahin, pipila ka mga tawo usab ang nangamusta kaniya og “happy birthday” ug “happy name day,” isip paghandom sa kapistahan ni Saint Robert Bellarmine niadtong Septiyembre 17.
