Gibutyag ni Cebu City Councilor Jun Alcover nga gipanglantawan na niini nga aduna gayud mahitabo nga kagubot sa Colon Night Market gumikan sa kadaghang tawo og mismanagement sa konseho ug sa lokal nga kagamhanan sa dakbayan sa Sugbo.
Kini subay sa nahitabong kagubot nga adunay usa ka tawo nga gikulata sa night market sa wala pa matino nga rason sa dalan colon sa nakalabayng adlaw.
Gikabalak-an ni Alcover, nga basin mausban ang maong mga kaso sa kagubot gumikan kay wlay klarong nag-manage sa night-market ug mamahimong aduna gayu’y makalas nga kinabuhi ug kung kinsa ang manubag gumikan sa walay legal nga proseso nga gisunod sa konseho.
Hinungdan nga moduso kini ug resolusyon nga nagtinguha sa pagpasara sa night market hangtud sa moagi ug saktong proseso sa pagmanage sa nahisgutang merkado hilabi na sa pagpaconvene sa Garbo Asenso Sumbanan Alyansa sa Gugma kon GASA Board.
Giklaro usab niini nga dili kini supak sa night-market, apan aron nga malikayan ang susamang panghitabo kinahanglan nga molihok ang lokal nga kagamhanan./
Gikabalak-an usab sa opisyal nga malugi ang mga ultimo nga tindera gumikan sa mahal nga bayad sa ilang giabangan nga puwesto.
