Gihulagway sa aktress nga si Shuvee Etrata, nga “taken out of context” ang karaang video ug post niini nga mikatap batok sa sikat nga komedyante nga si Vice Ganda, nga maoy rason usab nga gibash kini sa social media.
Lakip sa mga posts niini mao ang pagpabor niini sa pagpasira sa istasyunan sa maong komedyante, niadtong tuig 2020.
Giklaro ni Etrata, nga ang maong post sa social media usa lamang ka “meme” ug wala kini laing pasabut batok sa maong isyu.
Gihimug-atan usab sa aktress, nga solid fan kini sa mga show sa maong komedyante ug wala kini ka-aligutgot sa maong istasyunan hinungdan nga walay rason nga iya kining buhaton.
Samtang, planong makig-hinabi ang aktress ni Vice Ganda aron sa paghatag ug katin-awan sa mga isyu nga gibato sa mga nitezens batok kaniya.
