Nakompleto na sa Department of Social Welfare and Development (DSWD) ang ikaduhang hugna sa food assistance distribution alang sa mga Sugbuanon nga naapektuhan sa magnitude 6.9 nga linog.
Matod ni DSWD Regional Director Maria Isabel Lanada, naka-deliver na sila og gibana-bana nga 443,340 ka Family Food Packs sa mga apektadong pamilya.
Sa pagkakaron, matud niya, nangandam na ang departamento alang sa pagpatuman sa Emergency Cash Transfer program alang sa labing apektadong mga pamilya sa 12 ka local government units sa Northern Cebu nga naigo sa linog.
Samtang, sa Manay, Davao Oriental, nagpadayon pa ang distribution sa emergency relief sa mga apektadong komunidad.
Alang sa mga pamilya nga nagpabilin sa gawas sa mga evacuation centers, ang DSWD nag-apod-apod ug pre-cut tarpaulin ug laminated sacks alang sa pag-ayo sa mga naguba nga panimalay.
Nagdumala usab ang DSWD sa psychosocial interventions alang sa mga indibidwal nga nakasinati og trauma ug stress.
