Nanawagan si Pope Leo XIV alang sa “kaisog” gikan sa mga tigpasiugda sa usa ka plano sa kalinaw alang sa Gaza, samtang ang mga lider sa kalibutan nangandam alang sa usa ka summit nga gitumong sa pagtapos sa panagbangi.
Giawhag sa Santo papa ang mga partido nga ipadayon ang mga lakang padulong sa usa ka makatarunganon ug malungtaron nga kalinaw nga nagtahod sa mga lehitimong pangandoy sa mga katawhang Israeli ug Palestinian.
Karung adlawa Lunes, ang Presidente sa US nga si Donald Trump ug ang Presidente sa Egypt nga si Abdel Fattah al-Sisi manguna sa usa ka summit sa Sharm el-Sheikh nga nagtumong sa pagtapos sa gubat sa Gaza Strip.
Ang mga lider sa kalibutan maghisgot sa pagpatuman sa unang hugna sa usa ka ceasefire, duha ka tuig human sa pag-atake sa Hamas niadtong Oktubre 7, 2023, nga maoy hinungdan sa usa ka kontra-opensiba sa Israel nga mipatay sa kapin sa 67,000 ka mga Palestinian.
Gipadayag usab sa Santo Papa ang iyang lalom nga kasubo human madungog ang bag-ong bangis nga pag-atake sa lainlaing mga lungsod ug imprastraktura sa sibilyan sa Ukraine, nga hinungdan sa pagkamatay sa mga inosenteng tawo, lakip ang mga bata.
